Falturiltu er verdas største nynorske litteraturfestival for barn og ungdom
Aktuelt
Tada! Velkomen til ny heimeside!
Dette har me venta lenge på å få visa fram – ei flunkande ny heimeside som TADA har laga til Falturiltu!
Les meir
Tilskot frå Kulturrådet!
No er det fest i Falturiltu-leiren, Norsk kulturråd har gjeve oss tilskot for to år på rad.
Les meir
Årets festivalforfattar er Aina Basso!
Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og POETISK.
Les meirFalturiltu
Sidan 2007 har Falturiltu vakse frå å vera ein lokal litteraturfest til å bli ein litteraturarena med nasjonalt omfang av faglege og kunstnarlege utøvarar. Festivalen har sin base på Stord og arrangerer i løpet av ei veke 100 litteraturopplevingar i 10 ulike kommunar.
Falturiltu løftar fram nynorsk formidling som er nyskapande, samtidsaktuell og tradisjonsrik innan både tekst, musikk, scenekunst og det visuelle. Over 220 ulike kunstnarlege gjester har vore med på festivalen i løpet av åra.
Falturiltu har eit nært samarbeid med andre festivalar i nærregionen som Vossa Jazz, SILK – Skudeneshavn internasjonale litteratur- og kulturfestival, og bLEST litteraturfest i Tysvær.
Frivillig
Det ville vore umogleg å arrangera festival utan dei gode frivillige hjelparane våre. Om du har tid og lyst til å bli del av denne hyggelege gjengen, så høyrer me gjerne frå deg.
Me treng hjelp til billettsal, køyring av forfattarar og vakthald under konsertar. Kjekke oppgåver der du får møta trivelege utøvarar, andre frivillige og bli kjent med festivalfeltet.
Klikk på kråkefoten for å senda oss ei melding så tek me kontakt med deg.
Kven er med i Falturiltu?
Steffen R. M. Sørum
Steffen Sørum er forfattar, aktiv samfunnsdebattant og er fagleiar for forfatterutdanninga ved Norsk barnebokinstitutt.
Camilla Kuhn
Camilla Kuhn er illustratør, forfattar og er programsjef for barn og ungdom på Litteraturhuset i Oslo.
Camilla Ruhs
Camilla Ruhs er barnebibliotekar og bokheks på Stord folkebibliotek.
Marco Thomas
Marco Thomas er teaterpedagog, coach, skodespelar og regissør bak TeARTig.
Siv Pettersen
Siv Pettersen er lærar ved Nysæter ungdomsskule, bokentusiast og styremedlem i Stord mållag.
Trond L. Onarheim
Trond Onarheim er festivalleiar og kulturrådgjevar i Stord kommune.
Svein Olav Langåker
Svein Olav Langåker er redaktør i Framtida Junior og dagleg leiar for LNK (Landssamanslutninga av nynorskkommunar), som driv Framtida.no.
Hannah Belsvik Hansen
Hannah Belsvik Hansen er høgskulelektor ved Høgskulen på Vestlandet, Campus Stord.