Ruth Lillegraven gav ut si første bok i 2005, og har vist seg som ein usedvanleg allsidig forfattar både når det gjeld sjanger og målgrupper.
For den første diktsamlinga si for barn, Eg er eg er eg er, blei ho nominert både til Brageprisen og Kritikarprisen. Seinare har Lillegraven kome ut med diktsamlinga Skogen den grøne og Badesommar, illustrerte av Mari Kanstad Johnsen.
Lillegraven har òg gjeve ut diktsamlingar og krim for eit vakse publikum, i tillegg til småbarnsserien om Mari og Magnus, og spenningsserien Klodeklubben saman med illustratør Jens Kristensen.
