Platons drikkegilde med gjester

Ei musikalsk framsyning med Annlaug Børsheim, Vibeke Flesland Havre, Kai Kenneth Hansen. Gjester er Arne Torget, Selma Lønning Aarø, Brynjulf Jung Tjønn, Ingelin Røssland og Geir Ersland.

Du veit den festen alle snakkar om? Platons «Symposion», eller «Drikkegildet i Athen», er ei av filosofihistoria sine mest kjende skildringar.

I denne framsyninga blir klassisk filosofihistorie kasta inn i vår eiga tid: Platon (Vibeke Havre) er bartender, Diotima (Annalug Børsheim) ei nattklubbsongarinne, og Sokrates stamkunden i baren. I tillegg blir ulike gjester inviterte til å halda kvar sin tale om kjærleik.

For Platon var kjærleik å ville det gode: å sjå kvarandre, ta vare på naturen og menneska rundt oss. Kanskje dette aldri har vore viktigare enn nett no?

Platons Drikkegilde er utvikla av Vibeke Flesland Havre og Annlaug Børsheim, og har spelt for fulle hus på Festspillene i Bergen og litteraturfestivalar rundt omkring.

Få med deg enno fleire kjekke arrangement 6.11-8.11. Kjøp eit festivalpass eller dagspass, les meir på Falturiltu si nettside eller Stord kulturhus.