Ingrid Belt frå Stord er ei ny og spennande stemme på den norske indiehimmelen. Med bakgrunn frå musikkproduksjon og låtskriving ved Westerdals Oslo ACT, kombinerer ho sterke melodiar med eit nært og ekte uttrykk. Sidan den første konserten med eigenprodusert materiale i 2017, har ho utvikla ein særeigen stil og sleppt fleire singlar som vitnar om eit stort låtskrivartalent.
No jobbar Ingrid med sitt etterlengta debutalbum på indielabelen Mono-log. Med ei blanding av rå nerve og varsam formidling, har ho allereie gjort seg bemerka som ein liveartist som rører og engasjerer publikum.
