Opp av boka – ut i rommet – ei familieframsyning for pingvinar, lam og andre småfolk!
Studentane på Barnehagelærar år 2 på Høgskulen på Vestlandet har leika seg med ulike nynorske barnebøker!
Inspirert av barnebøkene til festivalforfattar Anna Folkestad har studentane, i samspel med faglærarane i drama, norsk, forming og musikk, laga ei estetisk bokformidling for barn.
Me har sett saman ei lita framsyning der publikum får møta ulike karakterar og forteljingar. Korleis er det å bu ein iglo? Kjem Ulla til å finna flokken sin? Velkomne til små og store – målgruppa er 2-6 år – men kjekt for alle!
