![Linn Isabel Eielsen. Foto: Privat](https://falturiltu.no/wp-content/uploads/2024/05/pressebilde-5-scaled.jpg)
Linn Isabel Eielsen
Linn Eielsen er skaparen bak teikneserien L-innsikt, som har gjort suksess på både TikTok, Instagram og Framtida.no dei siste åra. I NRK vart ho omtala som «sin generasjons teikneserieskapar», med stripene om alt frå dating til politisk satire. Dei siste åra har ho teikna om studenttilværelsen, og dette har blitt samla i boka «ALENE HJEMMEFRA».
Linn kjem til årets Falturiltu for å snakka om den nye boka og framføra showet med same namn. Her tek ho for seg alle problema som du ikkje eingong visste kunne vera problem når du flyttar heimanfrå, som til dømes melbiller, å bli rana på ferie og korleis lysrør fungerer.