Ragnar Hovland er ei av dei mest særeigne stemmene i norsk litteratur. Sidan debuten Alltid fleire dagar i 1979, har han utgitt over 50 bøker i dei fleste sjangrar, både for vaksne og barn. Han har motteke ei rekkje prisar, mellom anna Kritikerprisen, Brageprisen, Nynorsk litteraturpris og Bastianprisen.
Hovland sin katalog har mange skattar, mellom anna Ei vinterreise, Elefantmusikken, Fredlaus og Bjørnen Alfred og hunden Samuel forlet Pappkartongen. Hovland har òg omsett fleire bøker, og fekk Kultur- og kyrkjedepartementet sin omsetjarpris for boka Den siste sjørøvaren av Mats Wahl.
