Fire stemmer, ei fele og ein gitar

HEILHUSFESTIVAL 6.-8. NOVEMBER. FESTIVALPASS I SALG NO. 18-ÅRS ALDERSGRENSE.

Forfattarane Agnes Ravatn og Ruth Lillegraven har begge flytta heim – Agnes til Sveio, Ruth til Granvin. Dei har latt storbystøv, støy, forlagsfolk og kulturelite bli att i Oslo. Korleis er det å skriva på bygda? Kvar hentar dei inspirasjon? Og kven kan dei kverulera med?

Agnes Ravatn og Ruth Lillegraven har skrive seg inn i hjarta til lesarar i heile landet – med romanar, krim, essay, lyrikk og barnebøker. Begge kjem til Stord med ferske bøker i sekken. Denne kvelden møtes dei til ein sceneprat der humor og alvor går hand i hand. Det blir snakk om by og bygd, venskap og uvenskap, skriveglede og skrivesperre – i salig blanding.

Den prisløna journalisten og forfattaren Kjersti Mjør leiar samtalen, medan den allsidige og plateaktuelle musikaren Annlaug Børsheim spelar fele og gitar i tillegg til å syngje.

Foto av Agnes Ravatn: Line Omland Eilevstjønn
Foto av Annlaug Børsheim: Per Finne
Foto av Ruth Lillegraven: Ann Sissel Holte
Foto av Kjersti Mjør: Arne Flatin