Linda Eide

Linda Eide er fødd i 1969 på Voss. Ho er journalist, forfattar og humorist.

I fleire år var ho kjend for å reise land og strand i raud joggedress, på jakt etter norske attraksjonar. Dette vart det både bok og tv-serie av.

Linda Eide har fått mange prisar for arbeidet sitt, og i 2006 fekk Eide Kultur- og kyrkjedepartementets pris for nynorskjournalistar, og Melsom-prisen i 2013.

Sidan 2017 har Eide laga talkshowet Eides språksjov, inspirert av språkkveldane Ut med språket på Litteraturhuset i Bergen, i samarbeid med språkprofessor Gunnstein Akselberg og pianist Sjur Hjeltnes. Sistnemte er med i framsyninga Fosse for dumskallar som blir vist på Falturiltu.

Eide har skrive sju bøker, m.a. debuten Då gamlemor baka seg i hel: Moderne skillingsdikt (2000) via Norsk attraksjon: Guiden til det du ikkje finn i guideboka (2012) til Lydjournalistikk: innføring i radio og podkasting (2015, med Jørgen Warvik Lyngvær og Lars Nyre). For Oppdrag Mottro: Jakta på gamle dagar (2012), basert på telefonsamtalar med Eides mor, fekk ho Melsomprisen, og boka blei i 2018 sett opp som framsyning på Det Norske Teatret.