Katrine Schiøtt er cellist og komponist frå Vestnes i Møre og Romsdal. Ho har utdanning frå Noregs musikkhøgskole i Oslo, og har erfaring innan improvisert musikk, samtidsmusikk, jazz, pop med meir. Schiøtt har jobba med prisløna artistar som Angus og Julia Stone, Dagny, Ane Brun, Ingrid Olava, Mari Boine og Bugge Wesseltoft.
Med trioen Slagr har Katrine Schiøtt gjeve ut sju album på plateselskapet Hubro. Under Falturiltu vil ho opptre saman med festivalforfattar Aina Basso med eit eigekomponert stykke til framsyninga Heksejakt.
