Hildegun Riise var tilsett ved Det Norske Teatret i 34 år. Her spelte ho roller som spenner frå greske tragedier, musikalar til moderne dramatikk. Riise har spelt i fleire stykker av Jon Fosse både for teater og TV. I løpet av åra har ho vore med i mange film og TV- produksjonar, og motteke både filmens Amandapris, samt teaterets Heddapris og Aase Byes pris.
Gjennom heile sin karriere har Riise produsert og framført ei mengde poesikonsertar ilag med både klassiske musikarar, jazz- og folkemusikarar. Til Falturiltu kjem ho saman med Sigbjørn Apeland og Benedicte Maurseth for å framføra Fosse-konserten Blått svev.
