Sigbjørn Apeland er utdanna kyrkjemusikar,men arbeider også med både improvisert musikk, norsk folkemusikk og mykje anna. Har særleg arbeidd med å nytta trøorgel på nye måtar. Dette instrumentet har han spelt på ved rundt 80 plateinnspillingar med ulike utøvarar som Nils Økland, Sigrid Moldestad, Berit Oppheim og Håkon Kornstad.
Apeland er tilsett som førsteamanuensis i musikkvitskap ved Griegakademiet i Bergen, og har hatt konsertar i både inn- og utland.
