Festivalforfattar 2017
Sonettar, frie vers eller gjendikting, skjønnlitteratur, essays eller barnebøker – Per Olav Kaldestad har meistra det meste i sitt forfattarvirke.
Kaldestad debuterte med diktsamlinga Kikkert i 1973, og har sidan den gong utmerka seg som ei særs mangfaldig, produktiv og dyktig stemme innanfor samtidslitteraturen. For boka Sola klappar meg fekk Kaldestad den europeiske barnebokprisen Pier Paolo Vergetio. I 1997 mottok han Samlagsprisen, og i 2001 fekk han Askeladdprisen for sin forfattarskap og for arbeidet med Årboka for barne- og ungdomslitteratur.
Mange av tekstane til Kaldestad er tonesett av artistar som Vamp, Aftenlandet, Kenneth Sivertsen, Atle Hansen og Annlaug Børsheim.
