Dei spretne TØFL-heltane legg turnéen sin innom Open Arena og Falturiltu!
Med nye låtar i gitarkassane, og fantastiske festivalkonsertar ferskt i minne, bringer dei indiepop til folket i haust.
TØFL er fire unge menn som spelar med kolossalt driv, og syng om det stygge og det vakre med ein eigen råskap.
Bandet var ein av headlinerane på Mablis-festivalen i sommar. Debutalbumet «Eg fins, WTF!?» fekk solide omtalar, og bandet selde ut scenar som Rockefeller i Oslo og Samfundet i Trondheim.
TØFL har hatt fleire låtar lista hos dei største radiokanalane i landet og blir covra av alt frå studentkor til The Voice-deltakarar.
Dette blir ein vill og fengande konsert som du garantert ikkje vil gå glipp av.
